OBC New Scheme : राज्य सरकारने ओबीसी विद्यार्थ्यांसाठी विशेष योजना आणली आहे. मागास जाती, भटक्या जमाती आणि विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी राज्य सरकार लवकरच ज्ञानज्योती सावित्री बाई फुले योजना राबवणार आहे. यासह वसतिगृहात प्रवेश घेऊ न शकणाऱ्या विद्यार्थ्यांनाही सरकार आर्थिक मदत करणार आहे. प्रामुख्याने हे सरकार मुंबई शहर, मुंबई उपनगर, नवी मुंबई, ठाणे, पिंपरी चिंचवड, नागपूर येथे शिकणाऱ्या विद्यार्थ्यांना 60 हजार रुपये अनुदान देणार आहे.
एवढेच नाही तर राज्य सरकार 2 लाख रुपयांची मदतही देणार आहे. यासोबतच जिल्ह्यातील उच्च शिक्षण घेणाऱ्या विद्यार्थ्यांना शासनाकडून 43 हजार रुपयांची आर्थिक मदत दिली जाणार आहे. तसेच तालुका परिसरातील उच्च शिक्षण घेणाऱ्या विद्यार्थ्यांना राज्य सरकार 38 हजार रुपयांची मदत करणार आहे. विशेष म्हणजे सरकारने याबाबतचा निर्णय जाहीर केला आहे.
त्यामुळे लवकरच ओबीसी विद्यार्थ्यांना शासनाकडून आर्थिक मदत मिळणार आहे. दरम्यान, राज्यात मराठा आरक्षणाचा मुद्दा गाजत असतानाच ओबीसी आरक्षणाच्या मुद्द्यावरूनही नवा वाद निर्माण झाला आहे. आता मराठा समाजाला ओबीसीतून आरक्षण देऊ नये, अशी मागणी ओबीसी समाजाकडून होत आहे. ही मागणी लक्षात घेऊन सरकारने ओबीसी आरक्षणाचा विस्तार न करता मराठा समाजाला आरक्षण दिले जाईल, असे आश्वासन दिले आहे. अशा परिस्थितीत राज्य सरकारनेही ओबीसी विद्यार्थ्यांना आर्थिक मदत देण्याचा निर्णय घेतला आहे.OBC New Scheme
